“AZERRAIL” və "ORDU" qələbə ilə başladı - FOTOLAR

Kişi voleybolçular arasında Azərbaycan Super Liqasının 2026/2027 mövsümünə start verilib.

Federasiyanın mətbuat xidmətindən Sportify.az-a verilən məlumata görə, GİN-in Voleybol Mərkəzində keçirilən I turun ilk qarşılaşmasında “AZERRAIL” komandası “Gənclər” klubunu 3:0 hesabı ilə məğlub edib.

Günün digər oyununda isə “ORDU” komandası “Murov Az Terminal” üzərində eyni hesabla qələbə qazanıb.

I turun növbəti görüşündə “Xilasedici” və “Neftçi” komandaları üz-üzə gələcəklər. Qarşılaşma oktyabrın 24-də saat 17:00-da FHN-in idman zalında keçiriləcək.

Qeyd edək ki, kişi voleybolçuların Super Liqasında altı komanda — “Xilasedici”, “ORDU”, “Neftçi”, “Murov Az Terminal”, “AZERRAIL” və “Gənclər” iştirak edirlər. Yarışlar dairəvi sistem üzrə, ev-səfər prinsipi ilə iki dövrədə təşkil olunacaq.

İki dövrənin yekununda turnir cədvəlinin ilk dörd pilləsində qərarlaşacaq komandalar pley-off mərhələsində iştirak hüququ qazanacaqlar.

Super Liqa (kişilər)

I tur

23 oktyabr

“AZERRAIL” – “Gənclər” – 3:0 (25:17, 25:11, 25:16)

“ORDU” – “Murov Az Terminal” – 3:0 (25:20, 25:14, 25:20).