Avrokuboklarda qələbə rekordu

Azərbaycan klubları avrokubokların 2026/2027 mövsümündə 14-cü qələbəsini qazanıb.

Sportify.az Peşəkar Futbol Liqasının rəsmi saytına istinadən xəbər verir ki, bu, UEFA Çempionlar Liqasının Liqa mərhələsinin II turuna təsadüf edib. “Sabah” öz meydanında Çexiya təmsilçisi “Slaviya Praqa”ya 2 cavabsız qolla qalib gəlib.

Bu, Azərbaycan təmsilçilərinin cari mövsümdə ümumilikdə 14-cü avrokubok qələbəsi olub. Beləliklə, Azərbaycan tarixinin yeni rekordu müəyyənləşdirilib.

Daha əvvəl ən yüksək göstərici 13-ə bərabər idi. 2023/2024 mövsümündə Azərbaycan komandaları ümumilikdə 13 dəfə qələbəyə sevinmişdi. Cari mövsümdə “Sabah” 7, “Qarabağ” 4, “Zirə” 2, “Neftçi” 1 dəfə meydandan qalib ayrılıb.

Bu qələbə UEFA reytinqinə də təsir edib. Azərbaycanın cari mövsümdəki əmsalı 5,625-ə, son 5 mövsümün nəticələrinə görə hesablanan reytinq xalları isə 24,187-yə yüksəlib. Bu, 24,125 xala malik İsraili keçmək üçün yetərli olub. Bir pillə irəliləyən Azərbaycan hazırda UEFA reytinqində 24-cü sırada qərarlaşıb.