Keyruş yenidən millidə

Portuqaliyalı mütəxəssis Karluş Keyruş yenidən Qana millisinin baş məşqçisi təyin olunub.

Sportify.az xəbər verir ki, bu barədə Qana Futbol Assosiasiyası (GFA) məlumat yayıb.

73 yaşlı mütəxəssisin yeni müqaviləsinin detalları açıqlanmayıb.

Keyruş daha əvvəl 2026-cı il dünya çempionatından sonra Qana millisindən ayrılmışdı. O, mundialda komandanı 1/16 finala qədər çıxarıb və bu mərhələdə Kolumbiyaya 0:1 hesabı ilə uduzub.

GFA bildirib ki, Keyruş qarşıdakı beynəlxalq oyunlar pəncərəsindən etibarən komandanın sükanı arxasında olacaq. Qurum portuqaliyalı mütəxəssisin böyük beynəlxalq təcrübəsini, taktiki bacarıqlarını və Qana millisindəki biliklərini onun yenidən baş məşqçi təyin edilməsində əsas amillər kimi göstərib.

Qeyd edək ki, Karluş Keyruş karyerası ərzində Portuqaliya, İran, Kolumbiya, Misir, Qətər, Oman, BƏƏ və Cənubi Afrika Respublikası milli komandalarına rəhbərlik edib. O, həmçinin İngiltərə “Mançester Yunayted”ində Aleks Ferqyusonun köməkçisi, İspaniya “Real Madrid”inin baş məşqçisi olub.

Qeyd: Qana millisinin qarşıdakı əsas hədəflərindən biri 2027-ci il Afrika Millətlər Kubokunun seçmə mərhələsində uğurlu çıxış etməkdir.