Gimnastlarımız dünya çempionu oldu

İtaliyanın Pezaro şəhərində keçirilən akrobatika gimnastikası üzrə dünya çempionatında Azərbaycan idmançıları uğurlu nəticə göstəriblər.

Sportify.az xəbər verir ki, qadınlardan ibarət qrup – Anahita Başiri, Zəhra Rəşidova və Nəzrin Zeyniyeva temp hərəkətləri proqramında 28,580 xal toplayaraq qızıl medal qazanıblar.

Bununla da idmançılar dünya çempionu adına layiq görülüblər.

Kişilərdən ibarət cütlük – Murad Rəfiyev və Daniel Abbasov isə balans hərəkətləri proqramında 28,950 xal toplayaraq bürünc medal əldə ediblər.