Bakıda C qrupunun oyunlarını 7 ölkənin hakimləri idarə edəcək

Qadın voleybolçular arasında Avropa çempionatının Bakıda keçiriləcək C qrupu oyunlarını idarə edəcək hakimlər bəlli olub

Sportify.az xəbər verir ki, Avropa Voleybol Konfederasiyası (CEV) 21-28 avqust tarixlərində Bakıda keçiriləcək qadın voleybolçular arasında Avropa çempionatının oyunlarını idarə edəcək hakimlərin adlarını açıqlayıb.

Hakimlər briqadası 7 ölkəni təmsil edən beynəlxalq dərəcəli hakimlərdən ibarətdir:

Goren Roy (İsrail) – Baş hakim (hakimlərin fəaliyyətini qiymətləndirəcək)

Vladimir Cvetkoviç (Serbiya) – Challenge (Çelenc) hakimi

Erdal Akıncı (Türkiyə) – Hakim

Helena Persson (İsveç) – Hakim

Mikele Brunelli (İtaliya) – Hakim

Bartlomiey Adamçık (Polşa) – Hakim

Dominik Biegajlo (Böyük Britaniya) – Hakim

CEV-in qaydalarına əsasən, çempionata ev sahibliyi edən ölkənin hakimləri turnirin oyunlarına təyinat almırlar. Bu səbəbdən Azərbaycan hakimləri Bakıda keçiriləcək C qrupu qarşılaşmalarını idarə etməyəcəklər.

Qeyd edək ki, C qrupunun bütün oyunlarında Challenge (Çelenc) sistemi tətbiq olunacaq. Bu səbəbdən yan xətt hakimlərindən istifadə edilməyəcək. Avropa çempionatında yan xətt hakimləri sonuncu dəfə 2019-cu ildə fəaliyyət göstərib.