Daha dörd idmançımız tatamiyə çıxır

Monteneqronun paytaxtı Podqoritsada keçirilən cüdo üzrə gənclər arasında Avropa çempionatının üçüncü günündə Azərbaycan millisinin 4 üzvü tatamiyə çıxacaq.

Sportify.az xəbər verir ki, 90 kq çəki dərəcəsində mübarizə aparan Aslan Kotsoyev 1/16 finalda bolqarıstanlı Anton Dimitrovla, Süleyman Şükürov isə fransalı David Yurkovski ilə qarşılaşacaq.

100 kq-da çıxış edən Davud Namazlı 1/16 finalda litvalı Mayus Genis ilə üz-üzə gələcək.

+100 kq çəki dərəcəsindəki Ramazan Əhmədov isə mübarizəyə 1/8 finaldan başlayacaq. O, Martin Sedlak (Çexiya) – Luka İvankoviç (Xorvatiya) cütünün qalibi ilə qarşılaşacaq.

Yarışın təsnifat mərhələsi saat 12:30-da, final bloku isə saat 18:00-da başlayacaq.

Qeyd edək ki, gənclər arasında Avropa çempionatına sentyabrın 6-da yekun vurulacaq.

Xatırladaq ki, Azərbaycan cüdoçuları yarışda artıq iki qızıl medal qazanıblar. Ayxan Mirzəzadə (60 kq) və Məhəmməd Musayev (66 kq) fəxri kürsünün ən yüksək pilləsinə qalxıblar.