“İmişli” Tovuzda qalib gəldi

AFFA Gənclər Liqasında I tura start verilib.

Sportify.az xəbər verir ki, “İmişli”nin U-19 komandası mövsümün ilk turunda səfərdə “Turan Tovuz” ilə qarşılaşıb.

Gərgin mübarizə şəraitində keçən görüş İmişli təmsilçisinin inamlı qələbəsi ilə yekunlaşıb. Komanda rəqib qapısından 4 top keçirərək meydandan 4:1 hesablı qələbə ilə ayrılıb.

Qələbədə əsas pay sahiblərindən biri Abbas Zeynalov olub. Gənc hücumçu görüşdə iki dəfə fərqlənib. Komandanın digər qollarını isə Rəsul Balakişiyev və Murad Quliyev vurublar.