Lebron Ceymsin yeni klubu bəlli oldu

NBA-nın ulduz basketbolçusu Lebron Ceyms karyerasını “Filadelfiya Seventi Sikserz”də davam etdirəcək.

Sportify.az xəbər verir ki, 4 qat NBA çempionu yeni klubu ilə 2 illik, ümumi dəyəri 104,5 milyon dollar olan müqavilə imzalayıb. Bu məbləğ mümkün maksimal müqavilədən 48,7 milyon dollar azdır. Maksimal müqavilənin dəyəri 153,2 milyon dollar təşkil edir.

Bildirilir ki, Ceyms komanda dəyişikliyi naminə maaşının 92,6 faizindən keçib. Bu, NBA tarixində oyunçunun bir klubdan digərinə keçmək üçün qəbul etdiyi ən böyük endirim kimi qiymətləndirilir.

39 yaşlı basketbolçu 2018-ci ildən formasını geyindiyi “Los-Anceles Leykers”dən ayrıldıqdan sonra azad agent statusu qazanmışdı.

Qeyd edək ki, qarşıdakı mövsüm Lebron Ceymsin NBA karyerasında 24-cü mövsümü olacaq.

Xatırladaq ki, “Filadelfiya Seventi Sikserz” daha əvvəl 36 yaşlı Pol Corcu “Boston Seltiks”ə göndərərək, onun müqabilində Ceylen Braunu heyətinə qatıb.