Millimizin heyəti açıqlandı - SİYAHI

Bakıdakı “Sea Breeze” istirahət mərkəzində keçiriləcək çimərlik güləşi üzrə 2 nüfuzlu beynəlxalq yarış üçün Azərbaycan milli komandasının heyəti müəyyənləşib.

Federasiyanın mətbuat xidmətindən Sportify.az-a verilən məlumata görə, 3 gün boyunca 34 ölkədən 200-dən artıq idmançının qatılacağı yarışlarda baş məşqçi Oyan Nəzəriani və məşqçi İbrahim Yusubovun rəhbərliyi altında 37 güləşçi qum üzərinə çıxacaq.

27 avqustda təşkil olunacaq U-17 dünya çempionatında 22 pəhləvan mübarizə aparacaq. Oğlanların yarışında Əlirza Heybətli, Elcan Həsənov, Ömər Zeynalov (hamısı 60 kq), Rəşad Əliyev, Rəşid Nəzərov, Tunar Quliyev (hamısı 70 kq), Ruslan Vəliyev, Nihad Süleymanlı, Ömər Vəliyev (hamısı 80 kq), Elvin Hacıquliyev, Elvin Necəfzadə və Elgün Kərimli (hamısı 90 kq) çıxış edəcək. Qızların mübarizəsində isə Gülnar Ağadadaşova, Nərgiz Adilova, Vəfa Orucova (hamısı 45 kq), Ülviyyə Musayeva, Günel Kərimli, Nəzrin Əhmədli (hamısı 55 kq), Fidan Babayeva, Rəna Nuriyeva, Mədinə Qasımova (hamısı 65 kq) və Simurə Abdullayeva (75 kq) gücünü sınayacaq.

28-29 avqustda təşkil ediləcək Dünya Seriyasının IV mərhələsində isə 15 yerli güləşçi iştirakçılar sırasında olacaq. Kişilərin yarışında Rübail İbrahimli, İbrahim Musayev, İmamhüseyn Nəbiyev (hamısı 70 kq), Sahib Dadaşov, Vüsal Əliyev, Cavid Niftəlizadə (hamısı 80 kq), Əşrəf Aşırov, Ramiz Həsənov, Fərid Cabbarov (hamısı 90 kq), Camal Feyziyev və Rəvan Musayev (hər ikisi +90 kq), qadınların turnirində isə Əsmər Cankurtaran (50 kq), Nərgiz Səmədova (60 kq), Nigar Mirzəzadə və Zəhra Kərimzadə (hər ikisi 70 kq) çıxış edəcək.

Qeyd edəki, gündüz seansı hər gün saat 10:00-da, axşam seansı isə 16:00-da start götürəcək.