Neymarın bərpa müddəti açıqlandı

Braziliyanın “Santos” klubunun futbolçusu Neymarın zədəsinin tam bərpasına təxminən 4-6 həftə lazım gələcək.

Sportify.az-ın xəbərinə görə, bu barədə jurnalist Qabriela Arantes Brinonun məlumat verib.

34 yaşlı hücumçu Braziliya Kubokunun 1/4 final mərhələsinin “Palmeyras”la cavab matçında (0:0) zədələnib.

“Sambaçı”nın sağ budunun düz əzələsində 2B tipli əzələ zədəsi aşkarlanıb. Neymar hazırda klubun “Rey Pele” təlim-məşq mərkəzində tibbi heyətin nəzarəti altında müalicə və reabilitasiya keçir.

Qeyd edək ki, Neymar matçdan sonra “Vila Belmiro” stadionunun ot örtüyünün keyfiyyətini də tənqid edib.

“Palmeyras” ilk görüşdə 3:0 hesablı qələbə qazandığından, iki oyunun nəticəsinə əsasən yarımfinala yüksəlib.