"Neftçi" Yevlaxda "İmişli"yə qalib gəldi - YENİLƏNDİ 

Misli Premyer Liqasında V turun oyunlarına bu gün start verilib.

Sportify.az xəbər verir ki, turun ilk günündə yalnız bir qarşılaşma keçirilib. “İmişli” doğma meydanda “Neftçi”ni qəbul edib.

Yevlax şəhər stadionunda oynanılan görüş qonaqların 3:2 hesablı qələbəsi ilə yekunlaşıb.

Meydan sahiblərindən 29-cu dəqiqədə Bəxtiyar Həsənalızadə, 45+7-ci dəqiqədə isə penaltidən Azər Salahlı fərqlənib.

Bakı təmsilçisinin qollarına 12-ci dəqiqədə Freddi Varqas, 28-ci dəqiqədə Breno Almeyda, 80-ci dəqiqədə Qustavo Klisman imza atıblar.

Hazırda 12 xala malik “Neftçi” turnir cədvəlinə başçılıq edir. “İmişli” isə 4 xalla 8-ci pillədə qərarlaşıb.

Misli Premyer Liqası
I dövrə, V tur

11 sentyabr

16:30. “İmişli” – “Neftçi” – 2:3

Qollar: Bəxtiyar Həsənalızadə, 29; Azər Salahlı, 45+7 (p.) – Freddi Varqas, 11; Breno
Almeyda, 28; Qustavo Klisman, 80

Hakimlər: Kamranbəy Rəhimov, Şirmamed Mamedov, Kərim Zeynalov, Fərid Hacıyev

VAR: Emin Əliyev

AVAR: Akif Əmirəli

Hakim-inspektor: Ömər Paşayev

AFFA nümayəndəsi: Nəriman Axundov

Yevlax şəhər stadionu.

Qeyd edək ki, V turun digər qarşılaşmaları sentyabrın 12, 13 və 14-də keçiriləcək.