"Turan Tovuz" "Sumqayıt"a, "Qarabağ" "Araz-Naxçıvan"a qalib gəldi - YENİLƏNDİ

Misli Premyer Liqasında IV turun son oyunu keçirilib.

Sportify.az xəbər verir ki, Tofiq Bəhramov adına Respublika stadionunda “Qarabağ” və “Araz-Naxçıvan” komandaları üz-üzə gəlib.

Baş hakim Cavid Cəlilovun idarə etdiyi görüş meydan sahiblərinin qələbəsi ilə yekunlaşıb – 3:2.

Hesabı 8-ci dəqiqədə Coni Montiel açıb. 67-ci dəqiqədə yeni transfer Renaldo Sefas ikinci qolu vurub.

Bundan 5 dəqiqə sonra Luka Dumançiç fərqi azaltsa da, 89-cu dəqiqədə Musa Qurbanlı “Qarabağ”ın üçüncü qolunu vurub.

90+3-cü dəqiqədə isə “Araz-Naxçıvan”ın futbolçusu Ağadadaş Salyanski hesab fərqini minimuma endirib.

Beləliklə, 3-cü oyununda da qələbə qazanan “Qarabağ” xalını 9-a çatdırıb və 3-cü pilləyə yüksəlib. Hələ də qələbə üzünə həsrət olan “Araz-Naxçıvan” isə 4 oyundan 1 xalla 11-ci yerdə qərarlaşıb.

Xatırladaq ki, III turun əvvəlki matçlarında “Qəbələ” evdə “İmişli”ni 2:1, “Sabah” “Zirə”ni 5:0, “Neftçi” “Şəfa”nı 4:1, “Turan Tovuz” “Sumqayıt”ı 2:1, “Şamaxı” isə səfərdə “Kəpəz”i 4:1 hesabı ilə məğlub edib.

—————————-

Misli Premyer Liqasında IV turun daha bir oyunu Tovuz şəhər stadionunda keçirilib.

Sportify.az xəbər verir ki, “Turan Tovuz” “Sumqayıt”la görüşdə əzmkar qələbə qazanıb – 2:1.

Hesabı 9-cu dəqiqədə qonaq komandadan Ronaldo Vaskes açıb.

20-ci dəqiqədə meydan sahiblərinin legioneri Joarlem Santos bərabərlik qolunu vurub.

60-cı dəqiqədə isə Xorxe Silva qələbə topuna imza atıb. Bu, “Turan Tovuz”un öz meydanında 100-cü qolu olub.

Beləliklə, “Sumqayıt” 3-cü görüşündə ardıcıl 3-cü məğlubiyyətlə üzləşərək, sonuncu pillədə qalıb.

4-cü matçında 2-ci qələbəsini qazanan “Turan Tovuz” isə 7 xalla 4-cü mövqeyə yüksəlib.

————————————

Bu gün Misli Premyer Liqasında IV turun son oyunları keçiriləcək.

Sportify.az xəbər verir ki, qarşılaşmalar Tovuzda və Bakıda gerçəkləşəcək.

Əvvəlcə diqqətlər Tovuz şəhər stadiona yönələcək.

Mövsümə qeyri-sabit başlayan “Turan Tovuz” və “Sumqayıt” komandaları üz-üzə gələcək.

Saat 18:00-da start götürəcək qarşılaşmanı baş hakim Kamranbəy Rəhimov idarə edəcək.

Hazırda “Turan Tovuz” 3 oyundan 4 xalla 6-cı yerdə gedir. Hər iki görüşünü məğlubiyyətlə başa vuran “Sumqayıt” isə yeganə xalsız komanda kimi sonuncu – 12-ci pillədə qərarlaşıb.

IV tura Tofiq Bəhramov adına Respublika stadionunda təşkil olunacaq “Qarabağ” – “Araz-Naxçıvan” matçı ilə yekun vurulacaq. Saat 20:15-də başlanacaq qarşılaşmanı baş hakim Cavid Cəlilov idarə edəcək.

Ağdam komandası 2 oyundan 6 xalla 4-cü, Naxçıvan təmsilçisi isə 3 görüşdən 1 xalla 11-ci pillədə yer alıb.

Misli Premyer Liqası

I dövrə, IV tur

6 sentyabr

18:00. “Turan Tovuz” – “Sumqayıt” – 2:1

Qollar: Joarlem Santos, 20; Xorxe Silva, 60 – Ronaldo Vaskez, 9

Hakimlər: Kamranbəy Rəhimov, Şirmamed Mamedov, Kərim Zeynalov, Ruslan Quliyev.

VAR: Kamal Umudlu

AVAR: Vüsal Məmmədov

Hakim-inspektor: Orxan Məmmədov

Sarı vərəqələr: Roberto Olabe, 44 (qeyri-idman hərəkəti); Hayderson Hurtado, 72 (qeyri-idman hərəkəti); Rəhim Sadıxov, 76 (qeyri-idman hərəkəti); Aleksey Kenyaykin, 90+3 (oyunun
bərpasının ləngidilməsi) – Ronaldo Vaskez, 19 (qeyri-idman hərəkəti); Sedrik Badolo, 33
(qeyri-idman hərəkəti); Höccət Haqverdi, 45+2 (hakimin qərarına etiraz); İsa Suliman, 76
(hakimin qərarına etiraz)

Rəsmi şəxslərə göstərilən sarı vərəqələr: Vinçenzo Çestaro, 60 (texniki zona qaydalarını
pozduğuna görə) – Vurğun Hüseynov, 36 (texniki zona qaydalarını pozduğuna görə); Şahin
Abdullayev, 60 (texniki zona qaydalarını pozduğuna görə)

Tovuz şəhər stadionu, 4200 tamaşaçı

Xatırladaq ki, III turun əvvəlki matçlarında “Qəbələ” evdə “İmişli”ni 2:1, “Sabah” “Zirə”ni 5:0, “Neftçi” “Şəfa”nı 4:1, “Şamaxı” səfərdə “Kəpəz”i 4:1 hesabı ilə məğlub edib.