"Şamaxı" "Turan Tovuz"a, "Şəfa" "Qəbələ"yə qarşı - YENİLƏNİR
Bu gün Misli Premyer Liqasının XII turunda 2 oyun keçiriləcək.
Sportify.az xəbər verir ki, əvvəlcə “Şamaxı” “Turan Tovuz”la qarşılaşacaq. Şamaxı şəhər stadionunda keçiriləcək oyun saat 14:30-da başlanacaq. 21 xalla liderlər qrupundan uzaqlaşmaq istəməyən Tovuz təmsilçisi səfərdə qələbəyə ümid edir. 14 xalla 7-ci pillədə qərarlaşan “Şamaxı” isə vəziyyətini daha da yaxşılaşdırmaq niyyətindədir. Gərgin mübarizə vəd edən matçı Emin Əliyevin rəhbərlik etdiyi hakimlər briqadası idarə edəcək.
Günün digər matçında “Şəfa” “Qəbələ”ni qəbul edəcək. “SOCAR Polymer Arena”da keçiriləcək oyun saat 17:00-da başlanacaq. Cəmi 1 qələbəsi olan “Şəfa” bu rəqəmi 2-yə dəyişmək üçün meydana çıxacaq. “Qəbələ” isə qalib gələcəyi halda 1 pillə irəliləyəcək. “Şəfa” 5 xalla 11-ci, “Qəbələ” 8 xalla 10-cu yerdədir. Matçda ədaləti Əli Əliyevin rəhbərlik etdiyi hakimlər briqadası qoruyacaq.
Hər iki qarşılaşma “CBC Sport” telekanalında canlı yayımlanacaq.
Misli Premyer Liqası, XII tur
21 noyabr (şənbə)
14:30 “Şamaxı” – “Turan Tovuz”
Hakimlər: Emin Əliyev, Akif Əmirəli, Eyyub İbrahimov, Tural Qurbanov
VAR hakimi: Nicat İsmayıllı
AVAR hakimi: Gülnurə Əkbərzadə
Hakim-inspektor: Ceyhun Haşımov
AFFA nümayəndəsi: Eldəniz Musayev
Şamaxı şəhər stadionu
17:00 “Şəfa” – “Qəbələ”
Hakimlər: Əli Əliyev, Namiq Hüseynov, Orxan İbişov, Kamal Umudlu
VAR hakimi: İnqilab Məmmədov
AVAR hakimi: Cəmil Quliyev
Hakim-inspektor: Şahin Cəfərov
AFFA nümayəndəsi: Namiq Əliyev
22 noyabr (bazar)
“Araz-Naxçıvan” – “Neftçi”
“Kəpəz” – “Qarabağ”
20 noyabr (cümə)
“İmişli” – “Zirə” – 2:2
“Sumqayıt” – “Sabah” 1:5



No Comment! Be the first one.