Türkiyə 3-cü oyununda 3 qolla uduzdu, Fransa İtaliya ilə bacarmadı

UEFA Millətlər Liqasında III turun növbəti matçları keçirilib.

Sportify.az-ın məlumatına görə, turun ikinci oyun günündə A, B və C Liqalarında ümumilikdə 10 görüş gerçəkləşib.

A Liqasının 1-ci qrupunda Türkiyə səfərdə Belçikaya böyük hesabla uduzub – 0:3. Hesabı 10-cu dəqiqədə Kevin De Brüyne açıb. 35 yaşlı yarımmüdafiəçi 59-cu dəqiqədə də fərqlənərək, “dubl” edib. 76-cı dəqiqədə isə “Fənərbağça”nın legioneri Romelu Lukaku yekun nəticəni müəyyənləşdirib. Beləliklə, Türkiyə millisi qrupda üçüncü məğlubiyyətini 3 qolla alıb.

Qrupun digər matçında Fransa və İtaliya yığmaları üz-üzə gəlib. Qarşılaşma heç-heçə ilə yekunlaşıb – 1:1. 55-ci dəqiqədə meydan sahiblərinin futbolçusu Maykl Olise hesabı açıb. 68-ci dəqiqədə Alessandro Bastoni bərabərlik qolunu vurub. 85-ci dəqiqədə Dayo Upamekano ikinci sarıdan qırmızı vərəqə ilə meydandan qovulub. Lakin qonaqlar say üstünlüyündən yararlana bilməyiblər.

UEFA Millətlər Liqası
2 oktyabr
III tur

A Liqası
1-ci qrup

22:45. Belçika – Türkiyə – 3:0

22:45. Fransa – İtaliya – 1:1

Xal durumu: Fransa – 7, Belçika – 6, İtaliya – 4, Türkiyə – 0.

B Liqası
2-ci qrup

22:45. Macarıstan – Gürcüstan – 1:0

22:45. Ukrayna – Şimali İrlandiya – 0:3

Xal durumu: Şimali İrlandiya – 7, Ukrayna – 4, Macarıstan – 4, Gürcüstan – 1.

4-cü qrup

22:45. Bosniya və Herseqovina – İsveç – 1:1

22:45. Polşa – Rumıniya – 6:0

Xal durumu: İsveç – 7, Bosniya və Herseqovina – 5, Polşa – 4, Rumıniya – 0.

C Liqası
2-ci qrup

20:00. Kipr – Ermənistan – 2:0

20:00. Latviya – Monteneqro – 1:2

Xal durumu: Monteneqro – 9, Kipr – 4, Ermənistan – 3, Latviya – 1.

3-cü qrup

18:00. Qazaxıstan – Moldova – 1:2

22:45. Farer adaları – Slovakiya – 1:1

Xal durumu: Slovakiya – 7, Moldova – 4, Farer adaları – 3, Qazaxıstan – 1.