UEFA “Sabah”ın rəqibinə qarşı tədbir gördü

UEFA Çempionlar Liqasının I təsnifat mərhələsində “Sabah”la qarşılaşmış Uelsin TNS klubuna qarşı tədbir görüb.

Sportify.az xəbər verir ki, iyulun 14-də keçirilmiş görüşdə meydançanın suvarma sistemi ilə bağlı qayda pozuntusuna yol verilib.

Avropa futbol qurumu buna görə Uels klubuna xəbərdarlıq edib.

Qərar UEFA Stadion İnfrastrukturu Qaydalarının 5.01-ci maddəsinə əsasən qəbul edilib.

Qeyd edək ki, “Sabah” həmin qarşılaşmada səfərdə 2:1 hesabı ilə qalib gəlib.