Oliver Kan: "Harri Keyn mükafata layiqdir"
Oliver Kan Harri Keynin “Qızıl top”u qazanmaq şanslarını qiymətləndirib.
Sportify.az xəbər verir ki, “Bavariya”nın keçmiş qapıçısı Münhen klubunun hücumçusu Harri Keyn barədə “Sky Sport”a açıqlama verib.
“Mənim fikrimcə, Harri Keyn mükafata layiqdir. Əvvəlcə vurduğu qolların sayına görə… Amma o, sadəcə qol vuran deyil. O, həm də məhsuldar ötürmələr etməkdə ustadır. O, əsl liderdir və yanında özünüzü rahat hiss etdiyiniz bir liderdir. Çempionlar Liqası, dünya çempionatı – o, hər yerdə yüksək mərhələlərə yüksəlib və əhəmiyyətli töhfələr verib. Əlbəttə, başa düşürəm ki, “Qızıl top” mükafatı verilərkən, çox vaxt Çempionlar Liqasını və ya bəlkə də dünya çempionatını qazananlara üstünlük verilir. Amma təkcə titullara deyil, bütün mənzərəyə baxsanız, düşünürəm ki, Keyn mükafata tamamilə layiqdir” – deyə Oliver Kan bildirib.
No Comment! Be the first one.