Zubir “Qarabağ”dan ayrıldı

“Qarabağ”ın fransalı yarımmüdafiəçisi Abdullah Zubir karyerasını Qətərdə davam etdirəcək.

Spotify.az-ın məlumatına görə, o, bu ölkənin “Əl-Şahaniyə” klubuna keçib.

33 yaşlı vinger müqavilə imzalamaq üçün klubun düşərgəsinə yola düşüb.

Zubir 2018-ci ildən “Qarabağ”ın formasını geyinirdi. Fransalı yarımmüdafiəçi Ağdam təmsilçisinin heyətində keçirdiyi illər ərzində komandanın əsas futbolçularından birinə çevrilib.

O, “Qarabağ”ın avrokuboklardakı tarixində ən çox qol vuran futbolçu kimi də klubdan ayrılıb.