Polşa millisi Avropa çempionu oldu

Polşanın kişilərdən ibarət milli komandası voleybol üzrə 2026-cı il Avropa çempionatının qalibi olub.

Sportify.az xəbər verir ki, finalda Fransa ilə qarşılaşan Polşa 3:1 hesablı qələbə qazanıb.

İtaliyanın Assaqo şəhərindəki “Unipol Forum” arenasında keçirilən görüşdə setlər 31:29, 25:19, 20:25, 25:16 hesabı ilə başa çatıb.

Beləliklə, Polşa millisi ardıcıl ikinci dəfə Avropa çempionu olub. Komanda ötən il də qitə çempionatında qızıl medal qazanmışdı.

Üçüncü yer uğrunda görüşdə isə Finlandiya Sloveniya üzərində 3:0 (25:23, 25:20, 29:27) hesablı qələbə qazanıb.

Qeyd edək ki, voleybol üzrə Avropa çempionatı sentyabrın 9-dan 26-dək İtaliya, Bolqarıstan, Rumıniya və Finlandiyada keçirilib. 24 komandanın iştirak etdiyi turnirdə kollektivlər dörd qrupa bölünüb.