"Sabah" - "Qarabağ" matçı Masazırda keçirilməyəcək - RƏSMİ

Misli Premyer Liqasında IX turun oyun cədvəli müəyyənləşib.

Sportify.az xəbər verir ki, “Sabah” komandası “Qarabağ”ı Masazırdakı “Bank Respublika Arena”da yox, Mərdəkandakı “Dalğa Arena”da qəbul edəcək.

Oktyabrın 25-də keçiriləcək qarşılaşma saat 18:00-da başlanacaq.

Üç günü əhatə edəcək turun bütün görüşləri “CBC Sport” telekanalı vasitəsilə canlı yayımlanacaq.

23 oktyabr (cümə)

15:00. “Araz-Naxçıvan” – “Qəbələ”
Şamaxı şəhər stadionu

19:00. “Zirə” – “Sumqayıt”
Zirə İdman Kompleksinin stadionu

24 oktyabr (şənbə)

16:30. “Şəfa” – “Kəpəz”
“SOCAR Polymer Arena”

19:00. “Neftçi” – “Turan Tovuz”
“Palms Sports Arena”

25 oktyabr (bazar)

15:00. “İmişli” – “Şamaxı”
Yevlax şəhər stadionu

18:00. “Sabah” – “Qarabağ”
“Dalğa Arena”

Qeyd edək ki, 9 oktyabrda “Dalğa Arena” stadionunda Peşəkar Futbol Liqası tərəfindən yekun baxış və uyğunluğun təsdiqlənmə prosesi həyata keçiriləcək.