Upamekano Fransa millisində yeni rekorda imza atdı

Fransa millisinin müdafiəçisi Dayo Upamekano 2026-cı ildə yığmanın heyətində ikinci dəfə qırmızı vərəqə alaraq tarixə düşüb.

Sportify.az xəbər verir ki, 27 yaşlı futbolçu UEFA Millətlər Liqasının III turunda İtaliya ilə keçirilən və 1:1 hesabı ilə başa çatan görüşün 85-ci dəqiqəsində meydandan qovulub.

Upamekano 73-cü dəqiqədə baş hakim Xesus Xil Mansano ilə mübahisə edib. Qarşılaşmanın 85-ci dəqiqəsində isə qayda pozuntusuna görə ikinci sarı vərəqə ilə cəzalandırılaraq qırmızı vərəqə alıb.

Müdafiəçi bundan əvvəl də 2026-cı ildə Fransa millisinin heyətində qırmızı vərəqə ilə cəzalanıb. O, braziliyalılar üzərində 2:1 hesablı qələbə ilə başa çatan yoldaşlıq görüşündə meydandan kənarlaşdırılmışdı.

Beləliklə, Upamekano Fransa millisinin tarixində bir təqvim ili ərzində iki dəfə qırmızı vərəqə alan ilk futbolçu olub.