Fransa təmsilçisi “Nansi”nin iki futbolçusu zorlamada şübhəli bilinərək həbs olunub.

Sportify.az klubun rəsmi saytına istinadən xəbər verir ki, hadisənin ciddiliyi nəzərə alınır və zərurət yaranacağı təqdirdə hüquq-mühafizə orqanları ilə əməkdaşlıq ediləcək.

“Nansi” rəhbərliyi futbolçularla bağlı hər hansı qərar qəbul etməzdən əvvəl hüquqi prosesin nəticəsini gözləyəcək.

Qeyd edək ki, saxlanılan oyunçuların adları açıqlanmayıb. “Nansi” Fransa Liqa 2-də mübarizə aparır və hazırda turnir cədvəlində 6-cı pillədə qərarlaşıb.