Dünya çempionatına son hazırlıq başladı

Yunan-Roma güləşi üzrə Azərbaycan millisi dünya çempionatının son hazırlıq prosesinə başlayıb.

Federasiyanın mətbuat xidmətindən Sportify.az-a verilən məlumata görə, baş məşqçi Məhəmməd Bəna, məşqçilər Bəhruz Həzrətipur və Rəsul Cəzininin rəhbərliyi altında keçirilən hazırlıq prosesində taktiki-texniki məşqlər və rəqiblərin təhlilinə yer ayrılacaq.

Təlim-məşq toplanışına cəlb olunan güləşçilərin siyahısı:

• 55 kq: Eldəniz Əzizli, Emin Cavadlı
• 60 kq: Murad Məmmədov, Nihad Quluzadə
• 63 kq: Nihat Məmmədli, Tural Əhmədov
• 67 kq: Həsrət Cəfərov, Məhəmməd Qasımzadə
• 72 kq: Ülvü Qənizadə, Fəraim Mustafayev
• 77 kq: Sənan Süleymanov, Davud Məmmədov, Cavidan Nehmətov
• 82 kq: Qurban Qurbanov
• 87 kq: İslam Abbasov, Laçın Vəliyev, Emil Abasov
• 97 kq: Murad Əhmədiyev
• 130 kq: Sərxan Məmmədov, Beka Kandelaki

Qeyd edək ki, Qazaxıstanın paytaxtı Astanada keçiriləcək mundialda yunan-Roma güləşi üzrə yarış 24-27 oktyabrda baş tutacaq.