“Ulduz” komandası çempion oldu

“Ulduz” Futbol Akademiyasının U-16 qızlardan ibarət komandası Qırğızıstanda keçirilən beynəlxalq turnirdə qalib olub.

Sportify.az xəbər verir ki, 3 – 8 avqust tarixlərində İssık-Kulda təşkil olunan “Asiya – sülh və əməkdaşlıq regionu” turnirində Azərbaycanı “Ulduz” Futbol Akademiyası təmsil edib.

Akademiyanın U-16 qızlardan ibarət komandası turnirin yekununda bütün rəqiblərini geridə qoyaraq çempion adına yiyələnib.

Qeyd edək ki, “Ulduz” Futbol Akademiyası son illərdə qız futbolunun inkişafı istiqamətində fəaliyyət göstərir.