Ran Kozux: Məni sınmış vəziyyətdə görməyəcəksiniz

Çempionlar Liqasının pley-off mərhələsinin cavab oyununda “Sabah”a 2:5 hesabı ilə məğlub olaraq Avropa Liqasının liqa mərhələsinə düşən “Hapoel Beer Şeva”nın baş məşqçisi Ran Kozux qarşılaşmadan sonra açıqlama verib.

Sportify.az xəbər verir ki, israilli mütəxəssis məğlubiyyətə baxmayaraq, komandasının çıxışından qürur duyduğunu bildirib.

“Şükür Allaha, belə anlara görə də. Güclənəcəyik, öyrənəcəyik. Çempionlar Liqasının finalını bir anla uduzan böyük bir israilli məşqçi tanıyıram (Avram Qrant – red.). Əminəm ki, mən də yaxşı yerdə olacağam. “Hapoel Beer Şeva” göstərdi ki, bu səviyyədədir və klub belə anlara qayıtmağı, Çempionlar Liqası uğrunda mübarizə aparmağı bacaracaq. Futbolda komanda olaraq əldə etdiyimiz hər şeyə onu əldə etməmişdən sonra çatmışıq. Məni sınmış vəziyyətdə görməyəcəksiniz”, – deyən Kozux “Sabah”ın da layiqli nəticə qazandığını vurğulayıb:

“Hamımız Çempionlar Liqasına çıxmaq istəyirdik, amma “Sabah” da bunu istəyirdi. Bu, böyük uğur qazanan komandadır. Qarşıda Avropa Liqasında və liqada vəzifələrimiz var. Bu turnir də çox böyükdür. Futbolçularımla çox qürur duyuram”.

Baş məşqçi Jibril Diopun qırmızı vərəqə almasına da münasibət bildirib: “Bizim sarı vərəqələri nəyə görə aldığımızı belə bilmirəm. Sonda bir qırmızı vərəqə də oldu və buna görə əsəbiyəm. Bu, baş verməməli olan bir sınma anıdır”.

Kozux əvəzləmələrə də aydınlıq gətirib: “Bu gün meydandan çıxardığım bütün futbolçular bunu özləri xahiş etdikləri üçün oldu. Əvvəl İqor, sonra Niv və daha sonra Rotman. Onlar özlərini sıxılmış hiss edirdilər. Bu yetkinlikdən məmnunam. Oyunun idarə olunmasında, həm meydana buraxdığım futbolçularda, həm də taktiki dəyişiklikdə çətinlik yaşadım. Son saniyələrdə, bitməsinə 20 saniyə qalmış qol buraxdıq. Burada bizim nəzarətimizdən kənar məqamlar da var idi. Futbolçular və məşqçilər korpusu bu gün böyük səy göstərdi və mən buna görə onlara minnətdaram. Qarşıda birlikdə yaxşı günlərimiz olacaq”.