"Hamburq"un sabiq qapıçısı "Sumqayıt"da - RƏSMİ

“Sumqayıt” yeni qapıçı transfer edib.

Sportify.az xəbər verir ki, “kimyaçılar” isveçli Marko Yohanssonun keçidini rəsmiləşdirib.

28 yaşlı qapıçı son olaraq İran təmsilçisi “Traktor”da çıxış edib.

O, eyni zamanda Almaniyanın köklü klubu “Hamburq”un da formasını geyinib.

Marko azad agent kimi “Sumqayıt”a qoşulub.

Qeyd edək ki, “kimyaçılar” bu yay Jeymes Almeydanı transfer etsə də, 25 yaşlı qapıçı zədələnərək uzunmüddətli sıradan çıxıb.