AFFA İntizam Komitəsi I Liqanın II turu ilə bağlı bir sıra qərarlar qəbul edib.
Sportify.az xəbər verir ki, ümumilikdə 5 oyunda müxtəlif qayda pozuntularına görə 6 klub cərimələnib.
“Şahdağ Qusar” – “Karvan-Yevlax” matçında hər iki komanda 5 futbolçusunun sarı vərəqə almasına görə 210 manat cərimələnib. Bundan əlavə, görüş başa çatdıqdan sonra meydançaya kənar şəxslərin daxil olması səbəbindən “Şahdağ Qusar” 750 manat cərimə ödəyəcək.
“Zaqatala” – “Baku Sportinq” qarşılaşmasında “Zaqatala” 3 ayrı pozuntuya görə cəzalandırılıb. Komanda 4 futbolçusunun sarı vərəqə almasına görə 210, ilkin protokolu elektron bazada gec təsdiqlədiyinə görə 450, futbolçuların formasında yaranmış problem səbəbindən oyunun gec başlamasına görə isə 450 manat cərimələnib. “Zaqatala”nın ümumi cəriməsi 1 110 manat təşkil edib.
“Səbail” – “Mingəçevir” oyununda qonaq komandanın 4 futbolçusunun sarı vərəqə alması “Mingəçevir”ə 210 manat cərimə ilə başa gəlib.
“Gəncəbasar” – “Xankəndi” matçında isə ən çox cəza bu komandanın üzərinə düşüb. “Gəncəbasar” 7 futbolçusunun sarı vərəqə almasına görə 210, ilkin protokolu elektron bazada gec təsdiqlədiyinə görə 450, oyundan sonra meydançaya kənar şəxslərin daxil olması səbəbindən 750, “A buraxılışı” olmayan şəxslərin texniki zonada olmasına görə isə 300 manat cərimələnib. Beləliklə, klub ümumilikdə 1 710 manat ödəyəcək.
Həmin oyunda “Xankəndi” də 4 futbolçusunun sarı vərəqə almasına görə 210 manat cərimələnib.
MOİK – “Şimal” qarşılaşmasında isə “Şimal”ın 4 futbolçusunun sarı vərəqə alması səbəbindən klub 210 manat cərimə edilib.
Beləliklə, I Liqanın II turunda qəbul olunan qərarlar əsasında klublara ümumilikdə 4 360 manat məbləğində cərimə tətbiq olunub.
Qeyd edək ki, cərimələr AFFA İntizam Məcəlləsinin 43.1, 83.5, 84.1, 86.3 və 86.12-ci maddələri ilə əsaslandırılıb.
No Comment! Be the first one.