Azərbaycan millisi Düşənbədə keçiriləcək Qran-Pri turnirində 17 cüdoçu ilə təmsil olunacaq

Azərbaycanın gənc cüdoçuları Tacikistanın paytaxtı Düşənbədə keçiriləcək Qran-Pri turnirində mübarizə aparacaqlar.

Sportify.az xəbər verir ki, Beynəlxalq Cüdo Federasiyasının təqviminə əsasən, gənclər arasında ilk dəfə təşkil olunacaq Qran-Pri yarışı oktyabrın 24-25-də keçiriləcək. Dünya Cüdo Turuna daxil olan turnirdə Azərbaycan 17 idmançı ilə təmsil olunacaq. Onlardan 10-u oğlan, 7-si qızdır.

İdmançılarımız yarışda gənc oğlanlardan ibarət milli komandanın məşqçisi Elxan Rəcəbli, yeniyetmə oğlanlardan ibarət yığmanın məşqçisi Nicat Şıxəlizadə, gənc qızlardan ibarət millinin böyük məşqçisi Saşa Herkenrat-Vimar və yeniyetmə qızlardan ibarət milli komandanın baş məşqçisi Elnur İsmayılovun rəhbərliyi altında çıxış edəcəklər.

Ümumilikdə, 19 ölkədən 234 cüdoçunun (147 oğlan, 87 qız) qatılacağı turnirdə Azərbaycan millisinin heyəti belədir:

Oğlanlar

-60 kq: Anar Quliyev, Məhəmməd Rüstəmli

-66 kq: Əhməd Rüstəmov

-73 kq: Səlim Sultanov, Özqan Quliyev

-81 kq: Məhəmməd Ağakişiyev

– 90 kq: Əli Qazıməmmədov

**-100 kq:** Davud Namazlı, Canpolad Əliyev

**+100 kq:** Ramazan Əhmədov

**Qızlar**

**-48 kq:** Nərgiz Əhmədova

**-52 kq:** Aysun Məmmədova, Nuranə Hacızadə

**-57 kq:** Xədicə Qədəşova, Vüsalə Hacıyeva

• **-63 kq:** Hanna Zaytseva, Nilgün Rzayeva