Çimərlik voleybolunda final günü

Çimərlik voleybolu üzrə Azərbaycan çempionatında final oyunlarının proqramı müəyyənləşib.

Sportify.az xəbər verir ki, avqustun 8-də Bakı Su İdmanı Sarayında əvvəlcə qadınların final görüşü keçiriləcək. Saat 17:00-da “Azərreyl Salam” komandası “Azərreyl Salam Şerinq” ilə qarşılaşacaq.

Kişilərin finalında isə saat 18:00-da FHN-2 komandası “Cevo” ilə üz-üzə gələcək.

Final qarşılaşmalarından sonra qaliblərin mükafatlandırma mərasimi təşkil olunacaq.

Qeyd edək ki, qadınların yarışında Milli Aviasiya Akademiyası, kişilərin mübarizəsində isə FHN-1 komandası bürünc medallara layiq görülüb.

Final oyunları Bakı Su İdmanı Sarayında keçiriləcək. Arenaya giriş sərbəstdir.