“DÇ-2026-da İngiltərə millisinin ən yaxşı futbolçusu Bellinqem idi”
İspaniya klubu “Real Madrid”in qapıçısı Tibo Kurtuа komanda yoldaşı Cud Bellinqemin çıxışını yüksək qiymətləndirib.
Sportify.az xəbər verir ki, belçikalı qolkiper ingiltərəli yarımmüdafiəçinin həm 2026-cı il dünya çempionatında, həm də Madrid klubundakı oyunundan danışıb.
“Bellinqemi çox yüksək qiymətləndirirəm. O, möhtəşəm insandır, yaxşı dostdur və əla futbolçudur. İlk mövsümündə çox yaxşı çıxış etdi. Lakin ötən il bütün komanda kimi biz də lazımi səviyyədə oynaya bilmədik.
Cud dünya çempionatında möhtəşəm çıxış etdi. İzlədiyim oyunlara əsasən, o, İngiltərə millisinin ən yaxşı futbolçusu idi. Hazırda yenidən “Real Madrid”də öz səviyyəsini nümayiş etdirir. O, həm hücumda, həm də müdafiədə bizim üçün çox vacibdir. Ümid edirəm ki, gələcəkdə daha çox titul qazanacaq”, – deyə Kurtuа “Sky Sports”a müsahibəsində bildirib.
Qeyd edək ki, İngiltərə millisi DÇ-2026-da yarımfinala qədər irəliləyib və üçüncü yer uğrunda görüşdə Fransanı 6:4 hesabı ilə məğlub edərək bürünc medallara sahib çıxıb.
Bellinqem cari mövsümdə bütün turnirlərdə 16 matçda iştirak edib, 5 qol vurub və 4 məhsuldar ötürmə verib.



No Comment! Be the first one.