Millimizdən ilk məğlubiyyət - FOTOLAR

Bakının ev sahibliyi etdiyi qadın voleybolçular arasında Avropa çempionatının C qrupunda altıncı günün oyunları keçirilib.

Sportify.az xəbər verir ki, bugünkü qarşılaşmaları gənclər və idman naziri Fərid Qayıbov, Avropa Voleybol Federasiyasının prezidenti Roko Sikiriç, Azərbaycan Voleybol Federasiyasının prezidenti Şahin Bağırov, Belçika Voleybol Federasiyasının prezidenti Qay Juve, İspaniya Voleybol Federasiyasının prezidenti Felipe Bernaldes Paskual Milli Gimnastika Arenasında canlı izləyiblər.

İlk olaraq İspaniya və Portuqaliya komandaları üz-üzə gəliblər. Bu görüşdə Portuqaliya rəqibini 3:1 hesabı ilə məğlub edib.

Günün növbəti qarşılaşması Belçika və Azərbaycan komandaları arasında olub. Bu oyunda belçikalı voleybolçular 3:0 hesabı ilə qələbə qazanıblar.

Bugünkü oyunlardan sonra Belçika 11 xalla (4 oyun, 4 qələbə) C qrupuna liderlik edir. Niderland 8 xalla (3 oyun, 3 qələbə) ikinci, Azərbaycan 8 xalla (4 oyun, 3 qələbə, 1 məğlubiyyət) üçüncü, Portuqaliya 3 xalla (4 oyun, 1 qələbə, 3 məğlubiyyət) dördüncü, Rumıniya 2 xalla (3 oyun, 3 məğlubiyyət) beşinci, İspaniya 1 xalla (4 oyun, 4 məğlubiyyət) altıncı yerdədirlər.

Qeyd edək ki, növbəti oyunlar avqustun 27-də keçiriləcək. Sabah saat 15:30-da Niderland – Belçika, saat 18:30-da isə Portuqaliya-Rumıniya qarşılaşmaları baş tutacaq.

26 avqust (6-cı gün)

İspaniya – Portuqaliya 1:3 (26:24, 23:25, 19:25, 20:25)

Belçika – Azərbaycan 3:0 (25:19, 25:22, 25:23)