"Neftçi"də ayrılıq - RƏSMİ

“Neftçi” klubu futbolçusu Elvin Camalovla yollarını ayırıb.

Sportify.az “ağ-qaralar”ın rəsmi saytına istinadən xəbər verir ki, 31 yaşlı yarımmüdafiəçi ilə müqaviləyə qarşılıqlı razılıq əsasında xitam verilib.

Təcrübəli futbolçuya ağ-qara formada göstərdiyi yüksək peşəkarlıq və əzmkarlığa görə təşəkkür edilib, ona gələcək karyerasında uğurlar arzulanıb.

Qeyd edək ki, 2025-ci ilin yanvarında “Neftçi”yə “Sabah”dan transfer olunmuş Elvin Camalov bu müddətdə 29 rəsmi oyun keçirib, 1 qol vurub, 1 məhsuldar ötürmə edib.