“Real Madrid” autsayderə çətinliklə qalib gəldi

“Real Madrid” komandası İspaniya La Liqasının VI turunda “Elçe”nin qonağı olub.

Sportify.az xəbər verir ki, dramatik məcrada keçən görüş “kral klubu”nun qələbəsi ilə yekunlaşıb – 3:2.

25-ci dəqiqədə Madrid təmsilçisinin türk futbolçusu Arda Gülərin cərimə zərbəsindən sonra top qapıdan keçib. Lakin bu, Gülərin qolu yox, “Elçe”nin qapıçısı Matias Dituronun avtoqolu kimi qeydə alınıb.

33-cü dəqiqədə Kilian Mbappe fərqi artırıb.

Fasilədən sonra vəziyyət meydan sahiblərinin xeyrinə dəyişib. Nəticədə Abel Osorio 71-ci, Fer Ninyo 83-cü dəqiqədə fərqlənib və “Elçe” hesabı bərabərləşdirib.

Lakin 90+1-ci dəqiqədə Karlos Espi “Real Madrid”in qələbə topunu vurmağa müvəffəq olub.

Beləliklə, Joze Mourinyonun baş məşqçi olduğu kollektiv 5-ci qələbəsini qazanaraq, xalını 15-ə yüksəldib və eyni xala malik lider “Barselona”ya çatıb. Lakin Kataloniya təmsilçisi hələ VI tur matçına çıxmayıb. “Elçe” isə 2 xalla sonuncu pillədə qalıb.