“Şəfa”dan yeni transfer

“Şəfa” klubu heyətini yeni futbolçu ilə gücləndirib.

Sportify.az xəbər verir ki, Bakı təmsilçisi braziliyalı hücumçu Luis Felipe da Silva Rodrigezlə 1+1 illik müqavilə imzalayıb.

25 yaşlı futbolçu son olaraq Albaniyanın “Vora” klubunda çıxış edib. Braziliyalı hücumçu ölkəsində “Boavista”, “Parana”, “Kaldense”, “Banqu Atletiko”, “Sentro Sportivo Alaqoano”, “İpatinqa” və “Volta Redonda” komandalarının formasını geyinib.

Rodrigez yeni mövsümdən “Şəfa”nın uğurları üçün mübarizə aparacaq.