"Sumqayıt"ın kapitanı 5 ayadək sıradan çıxdı

“Sumqayıt”ın kapitanı Səbuhi Abdullazadə əməliyyat olunub.

Sportify.az klubun rəsmi saytına istinadən xəbər verir ki, Bakıdakı özəl xəstəxanaların birində keçirilən əməliyyat uğurla başa çatıb.

Yarımmüdafiəçi təxminən 5 ay sonra meydana dönə biləcək.

Qeyd edək ki, Səbuhi Abdullazadə “Sumqayıt”ın Misli Premyer Liqasının I turunda “Neftçi”yə evdə 1:3 hesabı ilə uduzduğu oyunda qırmızı vərəqə alıb. O, meydançanı tərk edərkən şüşəni qırıb və nəticədə zədələnib.