Heydərov və Qədəşova mübarizəni dayandırdı, Məmmədəliyev bürünc medal görüşündə - YENİLƏNDİ

Bakıda keçirilən cüdo üzrə dünya çempionatında bu gün daha 2 çəki dərəcəsində mübarizə gedib.

Sportify.az xəbər verir ki, üçüncü yarış günündə Azərbaycanın 3 təmsilçisi tatamiyə çıxacıb.

Qadınların yarışında 57 kq çəki dərəcəsində Xədicə Qədəşova qüvvəsini sınayıb. O, 1/32 finala təsadüf edən ilk görüşündə qırğızıstanlı Janar Joldoşevaya uduzaraq, mübarizəni dayandırıb.

Kişilərin 73 kq çəkidəki mübarizəsinə isə 2 cüdoçu qatılıb. Olimpiya, dünya və dördqat Avropa çempionu Hidayət Heydərov ilk 2 görüşündə qalib gəlsə də, 1/8 finalda uduzaraq, mübarizəni dayandırıb.

Ötənilki Avropa çempionatının bürünc mükafatçısı Rəşid Məmmədəliyev isə bürünc medal görüşünədək irəliləyib.

Dünya çempionatı
6 oktyabr

Qadınlar

57 kq

1/32 final

Xədicə Qədəşova – Janar Joldoşeva (Qırğızıstan)

Kişilər

73 kq

1/32 final

Hidayət Heydərov – Akil Qyakova (Kosovo)

1/16 final

Rəşid Məmmədəliyev – Castin Lemir (Kanada)

Hidayət Heydərov – Valtteri Olin (Finlandiya)

1/8 final

Rəşid Məmmədəliyev – Etan Nern (Böyük Britaniya)

Hidayət Heydərov – Covanni Espozito (İtaliya)

1/4 final

Rəşid Məmmədəliyev – Dayyan Bulemtafes (Fransa)

Təsəlliverici görüş

Rəşid Məmmədəliyev – Leonardo Valeriani (İtaliya)

Bürünc medal görüşü

Rəşid Məmmədəliyev – Daniel Karnin (Braziliya)

Qeyd edək ki, ilk yarış günündə Azərbaycan cüdoçusu Əhməd Yusifov 60 kq çəki dərəcəsində qızıl medal qazanıb. Növbəti gün isə Gültac Məmmədəliyeva 52 kq çəkidə 7-ci yeri tutub. Hazırda Azərbaycan ümumi komanda hesabında ikinci yerdə gedir. Birinci pillədə isə 3 qızıl, 2 bürünc medalla Yaponiya qərarlaşıb.