“Şahdağ Qusar”dan gözlənilməz məğlubiyyət

Azərbaycan I Liqasında V tura start verilib.

Sportify.az-ın məlumatına görə, ilk oyun günündə 3 görüş keçirilib.

Çempionatın lideri “Şahdağ Qusar” “Xankəndi”nin qonağı olub.

Şamaxı Olimpiya İdman Kompleksinin stadionunda təşkil olunmuş qarşılaşma meydan sahiblərinin qələbəsi ilə yekunlaşıb – 1:0. Yeganə qolu 88-ci dəqiqədə Bəhruz Teymurov vurub.

Beləliklə, “Şahdağ Qusar” ilk dəfə xal itkisi ilə üzləşib. Füzuli Məmmədovun baş məşqçi olduğu komanda hazırda 12 xalla 1-ci yerdə gedir.

“Səbail” isə səfərdə “Zaqatala”nı 3:1 hesabı ilə məğlubiyyətə uğradıb. Elnur Abdullayevin rəhbərlik etdiyi kollektiv xalını 11-ə çatdıraraq, 3-cü pilləyə yüksəlib.

“Şimal” isə səfərdə “Mingəçevir”i darmadağın edib – 4:1.

I Liqa, V tur
15 oktyabr (cümə axşamı)

“Zaqatala” – “Səbail” – 1:3

Qollar: Əsədulla Heydərov, 89 – Samuel Nonqoh, 13; Yan Said, 21; Aldo Qomes Soares, 24
Hakimlər: Namiq Bəkirov, Qəzənfər Məmmədov, Rəşad Quliyev, Şamil İmanzadə
Hakim-inspektor: Rövşən Əhmədov
AFFA nümayəndəsi: İlham Əliyev
Zaqatala OİK stadionu, 100 tamaşaçı

“Xankəndi” – “Şahdağ Qusar” – 1:0

Qol: Bəhruz Teymurov, 88
Hakimlər: Səbuhi Bayramov, Rəhman Aslanov, Vüqar Bayramov, Nazim Abdullayev
Hakim-inspektor: Feyzulla Feyzullayev
AFFA nümayəndəsi: Elçin Mehtiyev
Şamaxı OİK stadionu, 50 tamaşaçı

“Mingəçevir” – “Şimal” – 1:4

Qollar: Nemət Şıxamirov, 48 – Niyazi Osmanov, 37; Elşad Əliyev, 45+3; Gülalı
Mehrəliyev, 87; Mustafa Niambele, 90+4
Hakimlər: Mahmud Bağırzadə, Rasim Axundov, Samir Qaracayev, Niyaz Əhmədov
Hakim-inspektor: Ceyhun Haşımov
AFFA nümayəndəsi: Mübariz Hüseynov
Y.Məmmədzadə adına Mingəçevir şəhər stadionu (ehtiyat meydança), 50 tamaşaçı

Turun son 2 matçı oktyabrın 16-da keçiriləcək.

16 oktyabr (cümə)

“Baku Sportinq” – MOİK

Hakimlər: Alik Yunusov, Sevda Nuriyeva, Anar Bədəlov, Maqsud Şamıyev
Hakim-inspektor: Şahin Cəfərov
AFFA nümayəndəsi: Zaur Hacı-Məhərrəmov
“Baku Sportinq Arena”

“Karvan-Yevlax” – “Gəncəbasar”

Hakimlər: Ruslan Quliyev, Səbuhi Əmrahov, Səbuhi Soltanov, Ceyhun Hüseynov
Hakim-inspektor: Munis Abdullayev
AFFA nümayəndəsi: Namiq Əliyev
Yevlax şəhər stadionu

Qarşılaşmalar saat 15:00-da başlanacaq.