“Kəpəz” – “Şamaxı” oyununda anşlaq gözlənilir

Sentyabrın 4-də “Kəpəz” və “Şamaxı” komandaları arasında keçiriləcək Misli Premyer Liqasının IV tur matçına böyük azarkeş marağı var.

Gəncə klubunun mətbuat xidmətindən Sportify.az-a verilən məlumata görə, gəncəli futbol həvəskarları satış başlanan kimi həm iticket.az saytı vasitəsilə, həm də Gəncə Şəhər Stadionunun kassalarında aktiv şəkildə bilet əldə edirlər.

Nəticədə geridə qalan 1 gün ərzində 4 000 bilet satılıb. Satış bu templə davam edərsə, qarşıdakı oyunda anşlaq olacağı gözlənilir.

Xatırladaq ki, “sarı-göylər”in avqustun 30-da “Turan Tovuz”la ev oyununu rekord sayda – 13500 azarkeş işləyib. Gəncə Şəhər Stadionunun tutumu 15343 nəfərdir.