Avropa çempionatı: Portuqaliya millisindən növbəti məğlubiyyət

Bakıdakı Mİlli Gimnastika Arenasında təşkil olunan qadın voleybolçular arasında Avropa çempionatının C qrupunda daha bir oyun keçirilib.

Sportify.az xəbər verir ki, günün ilk matçında Belçika və Portuqaliya milliləri üz-üzə gəlib.

Belçika millisi qarşılaşmanı çətinlik çəkmədən qələbə ilə başa vurub – 3:0 (25:16, 25:22, 25:11).

Bununla da ilk turda Azərbaycan millisinə ciddi müqavimət göstərərək, 1:3 hesabı ilə uduzan Portuqaliya yığması növbəti məğlubiyyətlə üzləşib.

Belçika isə bu qələbə sayəsində xalını 5-ə çatdıraraq, C qrupunda liderliyi ələ keçirib.

Qeyd edək ki, günün daha bir qarşılaşması saat 18:30-da Azərbaycan və İspaniya milliləri arasında olacaq. Hazırda Azərbaycanın 3, İspaniyanın 1 xalı var.