Çempionlar Liqası: "Vikinq" "Sabah"ı məğlub etdi - YENİLƏNDİ

UEFA Çempionlar Liqasının Liqa mərhələsində 4-cü tura bu gün yekun vurulub.

Sportify.az xəbər verir ki, azərbaycanlı azarkeşlərin böyük həyəcanla gözlədiyi oyunda “Sabah” Norveçin “Vikinq” klubunun qonağı olub.

Oyuna daha yaxşı başlayan Azərbaycan təmsilçisi hesabı açıb. 11-ci dəqiqədə Orfe Mbina fərqlənib. Sonradan toparlanan meydan sahibləri 27-ci dəqiqədə Erik Botheimin qolu ilə hesabı bərabərləşdiriblər – 1:1.

69-cu dəqiqədə Zlatko Tripiç “Vikinq”i önə keçirib. Akim Zedadkanın əllə oyununa görə təyin olunmuş penaltini qapıçı Stas Pokatilov qaytarsa da, Tripiç təkrar vuruşla topu tora göndərib.

Cəmi 8 dəqiqə sonra Eyden Makkarti qırmızı vərəqə alaraq “Sabah”ı azlıqda qoyub.

81-ci dəqiqədə Henrik Falkener 3-cü topu Bakı klubunun qapısından keçirib. Əsas vaxta əlavə edilən 4-cü dəqiqədə Erik Botheim dublla yadda qalıb.

Beləliklə 1:4 hesabı ilə uduzan “Sabah” 4 turdan sonra 3 xalla 31-ci yerdədir. “Vikinq” isə 4 xalla 22-ci pillədə qərarlaşıb.