Noyabrın 3-də Azərbaycanın üzgüçülük üzrə milli komandasının üzvü Süleyman İsmayılzadə Seneqalın paytaxtı Dakar şəhərində keçirilən Yeniyetmələrin IV Yay Olimpiya Oyunlarında mübarizəyə başlayacaq.
Sportify.az xəbər verir ki, Azərbaycan təmsilçisi 400 metr məsafəyə sərbəst üsulla üzmə yarışlarında qüvvəsini sınayacaq. Yarışlara sabah Bakı vaxtı ilə saat 14:00-da start veriləcək.
Qeyd edək ki, Azərbaycan komandası Dakar-2026-da 8 idman növü üzrə 13 idmançı ilə təmsil olunur. Dakar, Diamniadio və Salidə təşkil olunan yarışlara noyabrın 13-də yekun vurulacaq.
No Comment! Be the first one.