İsakdan “Liverpul”a pis xəbər

İngiltərənin “Liverpul” klubunun hücumçusu Aleksander İsak zədə səbəbindən İsveç millisinin düşərgəsini vaxtından əvvəl tərk edib.

Sportify.az xəbər verir ki, 25 sentyabrda UEFA Millətlər Liqasının Rumıniyaya qarşı oyununda start heyətində meydana çıxan 26 yaşlı forvard komandasının 2:1 hesablı qələbəsində qol vuraraq mühüm rol oynayıb.

Lakin qarşılaşmadan sonra İsakın zədələndiyi məlum olub.

İsveç millisinin və “Liverpul”un tibbi heyətləri futbolçunun sağlamlığını riskə atmamaq qərarına gəliblər.

Bununla da hücumçu beynəlxalq fasilə çərçivəsində İsveç millisinin keçirəcəyi daha üç oyunda iştirak etməyəcək.

İsakın yaxın vaxtlarda “Liverpul”un bazasına qayıdacağı və burada ətraflı tibbi müayinədən keçəcəyi bildirilib. Müayinənin nəticələrindən sonra futbolçunun bərpa müddəti ilə bağlı dəqiq məlumat veriləcək.