Libertadores Kuboku: Halk ötürmə etdi, komandası yarımfinala yüksəldi

Braziliyanın “Fluminense” klubu Libertadores Kubokunda yarımfinala vəsiqə qazanıb.

Sportify.az xəbər verir ki, 1/4 final mərhələsinin cavab oyununda Braziliya təmsilçisi Argentina klubu “Platense”yə 1:2 hesabı ilə məğlub olub.

Lakin “Fluminense” ilk matçda 2:0 hesabı ilə qalib gəldiyi üçün iki oyunun nəticəsində üstün tərəf kimi növbəti mərhələyə yüksəlib.

Qalib komandanın heyətində yeganə qolu 57-ci dəqiqədə Auqustin Kanobbio vurub. Ona məhsuldar ötürməni vaxtilə Braziliya millsinin formasını geyinmiş Halk verib.

“Platense”nin heyətində isə Gido Maynero 30-cu, Bruno Sepulveda 45+2-ci dəqiqədə fərqlənib.

Yarımfinalda “Fluminense” “LDU Kito” (Ekvador) – “Palmeyras” (Braziliya) cütünün qalibi ilə üz-üzə gələcək.