“Mançester Yunayted”in hücumçusu: Çox həyəcanlıyam

“Beynimin bir hissəsində komandanın və oyunçuların müəyyən qismini görürdüm və bilirdim ki, buradakı futbolçularla yaxşı əlaqələr qura bilərəm. Gəlməmişdən əvvəl oyunçulardan da mesaj almışdım. Həqiqətən, yaxşı nəticə əldə edə biləcəyimizə əmin idim”.

Sportify.az xəbər verir ki, bunu “Mançester Yunayted”in hücumçusu Bryan Mbeumo UEFA Çempionlar Liqasının liqa mərhələsində İngiltərədə “Sabah”a qarşı keçirəcəkləri ilk tur oyunu öncəsi mətbuat konfransında deyib.

O, Çempionlar Liqasının püşkatmasını ilk dəfə izlədiyini bildirib: “Hər hansı bir oyunu keçirmək üçün çox həyəcanlıyam. Hər ölkə və hər komanda fərqlidir. Oraya getmək və bunu görmək həmişə xoşdur”.

B.Mbeumo hücum xəttində müxtəlif mövqelərdə oynamağa hazır olduğunu da vurğulayıb: “Hücumda bir neçə mövqedə oynamağa öyrəşmişəm. Peşəkar kimi ilk mövsümümdə, “Troyes”də sağda, solda və mərkəzdə çıxış edirdim. Əlbəttə, meydanda üstünlük verdiyim mövqelər var. Amma mərkəzdə və ya cinahda oynayarkən də öz keyfiyyətlərimi göstərə bilərəm. Bunun o qədər də fərqi yoxdur. Komanda üçün oynaya və çıxış edə bildiyim müddətcə xoşbəxtəm”.

Qeyd edək ki, sentyabrın 10-da “Old Trafford”da keçiriləcək “Mançester Yunayted” – “Sabah” qarşılaşması Bakı vaxtı ilə saat 23:00-da başlanacaq.