Mbappe “Barselona”nın uğurlu startını dəyərləndirdi

İspaniya klubu “Real Madrid”in hücumçusu Kilian Mbappe “Barselona”nın La Liqada mövsümə uğurlu başlaması barədə danışıb.

Sportify.az xəbər verir ki, kataloniya təmsilçisi çempionatın ilk 6 turunda keçirdiyi bütün oyunlarda qələbə qazanaraq turnir cədvəlinə başçılıq edir. “Real Madrid” isə 15 xalla ikinci pillədə qərarlaşıb.

Mbappe “Barselona”nın bu mövsüm “Real Madrid” üçün əsas rəqib olub-olmayacağı ilə bağlı suala belə cavab verib:

“Onlar yaxşı çıxış edirlər. Digər komandalar haqqında danışmağı sevmirəm, çünki orada oynamıram və onların daxilində nələrin baş verdiyini bilmirəm. Onlar oyunlarını qazanıblar. Amma mövsümün hələ başlanğıcıdır”.