Messi atasının vəfatından sonra ilk qolunu vurdu

ABṢ-nin “İnter Mayami” klubunun hücumçusu Lionel Messi MLS-in müntəzəm çempionatının “Filadelfiya Yunion”a qarşı keçirdiyi oyunda fərqlənib.

Sportify.az xəbər verir ki, 39 yaşlı argentinalı futbolçu matçın 26-cı dəqiqəsində cərimə meydançasının sağ kənarında topu qəbul edib, içəriyə doğru irəliləyərək sol ayağı ilə uzaq küncə dəqiq zərbə endirib. Messinin qolu sayəsində “İnter Mayami” hesabda 2:1 önə keçib.

Bu, Messinin atasının vəfatından sonra klub forması ilə vurduğu ilk qol olub.

Xatırladaq ki, Lionel Messinin atası Xorxe Messi uzun sürən xəstəlikdən sonra avqustun 8-də 68 yaşında dünyasını dəyişib.

Bundan sonra argentinalı ulduzun klub oyunlarında qeyri-müəyyən müddətə fasilə verəcəyi barədə məlumatlar yayılmışdı. Lakin Messi avqustun 13-də “Leon”a qarşı Liqa Kubokunun müntəzəm mövsüm matçında ehtiyat oyunçular skamyasından meydana daxil olub.