Messi vida matçında qol vurdu

Argentina millisi yoldaşlıq oyununda Benin yığmasını 3:0 hesabı ilə məğlub edib.

Sportify.az xəbər verir ki, Buenos-Ayresdəki “Monumental” stadionunda keçirilən qarşılaşmanı 85 min azarkeş izləyib.

Hesabı 48-ci dəqiqədə Nikolas Otamendi açıb. Lionel Messinin künc zərbəsindən sonra müdafiəçi başla topu qapıya göndərib.

61-ci dəqiqədə Nikolas Pas fərqlənib. Bu dəfə də məhsuldar ötürməni Messi edib. 10 dəqiqə sonra isə Argentina millisinin kapitanı özü qola imza atıb. Messi 71-ci dəqiqədə penaltini dəqiq yerinə yetirib.

Messi qarşılaşma ərzində qapıya 9 zərbə vurub, onların 5-i çərçivəyə gedib. O, “Flashscore”un qiymətləndirməsinə əsasən, matçın ən yüksək göstəricisinə – 8,9 bala layiq görülüb.

Bu görüş 39 yaşlı Lionel Messinin Argentina millisində son oyunu olub. Daha əvvəl milli komanda ilə çıxışını başa vuracağını açıqlayan hücumçu karyerası ərzində dünya çempionu (2022) və 2026-cı il dünya çempionatının gümüş medalçısı olub.

Messi Argentina millisində 2005-ci ilin avqustunda debüt edib. O, yığmanın heyətində 208 oyuna çıxaraq 126 qol vurub və 69 məhsuldar ötürmə edib.