“Sərhədçi” Peşəkar Çövkən Liqasının qalibi oldu

“Sərhədçi” Peşəkar Çövkən Liqasının qalibi olub.

Sportify.az xəbər verir ki, sərhədçilər bu tur “Zəfər”i 1-0 hesabı ilə məğlub etməklə son oyunun nəticəsindən asılı olmayaraq ölkə çempionu adını qazanıblar.

Azərbaycan Respublikası Atçılıq Federasiyasından verilən məlumata görə turun mərkəzi qarşılaşmasında “Elite” “Polad”a 2-3 hesabı ilə məğlub olaraq çempionluq şansını itirib. Turun “Şamaxı” – “Atilla” oyununda şirvanlılar çempionatda ən böyükhesablı qələbələrini qazanıblar, 8-0. “Xəzər” – “Omar” qarşılaşmasında qalib müəyyənləşməyib, 2-2. “Buta Golden”in çempionatdan çıxmasına görə texniki 3 xal bu dəfə”Embawood”un aktivinə yazılıb.

Çempionatın son turunda “Sərhədçi” ilə “Elite” arasında prinsipial qarşılaşma olacaq. “Elite”nin büdrəyəcəyi, digər oyunda “Polad”ın “Şamaxı”nı məğlub edəcəyi halda gümüş medallar “Polad”a qismət olacaq.