Türkiyə millisi İtaliyaya böyük hesabla uduzdu

UEFA Millətlər Liqasında A Liqasının 1-ci qrupunun II turunda Türkiyə və İtaliya yığmaları üz-üzə gəlib.

Sportify.az xəbər verir ki, Bursa şəhərindəki “100-cü il Atatürk” stadionunda təşkil olunmuş qarşılaşma qonaqların böyük hesablı qələbəsi ilə yekunlaşıb – 4:1.

İtaliya 9-cu dəqiqədə Alessandro Bastoninin qolu ilə hesabı açıb. Davide Frattesi 22-ci dəqiqədə fərqi artırıb. Mikael Kayode 27-ci dəqiqədə İtaliyanın üçüncü qolunu vurub.

Türkiyə 47-ci dəqiqədə Barış Alper Yılmazın qolu ilə fərqi azaltsa da, üç dəqiqə sonra Françesko Esposito italiyalıların dördüncü qolunu vuraraq yekun hesabı müəyyənləşdirib.

Növbəti turda Türkiyə oktyabrın 2-də Belçika ilə, İtaliya isə həmin gün Fransa ilə qarşılaşacaq.

Xatırladaq ki, Türkiyə millisi ilk turda evdə Fransaya 0:1, İtaliya isə Belçikaya 0:2 hesabı ilə uduzub.