Millimiz Litvaya qalib gələrək, qrup lideri oldu - YENİLƏNDİ

Azərbaycan millisi UEFA Millətlər Liqasında növbəti oyununa çıxıb.

Sportify.az xəbər verir ki, Ayxan Abbasovun baş məşqçisi olduğu kollektiv Bakıda Litva yığması ilə üz-üzə gəlib.

D Liqasının 2-ci qrupunun qarşılaşması meydan sahiblərinin qələbəsi ilə yekunlaşıb – 1:0.

Yeganə qolu 25-ci dəqiqədə Abdulax Xaybulayev vurub. Bununla da xalını 5-ə yüksəldən Azərbaycan millisi qrup lideri olub. Litva isə 4 xalla 2-ci yerdə gedib.

90+1-ci dəqiqədə millinin köməkçi-məşqçisi Vüqar Mustafayev ikinci sarıdan qırmızı vərəqə ilə meydandan kənarlaşdırılıb.

Qrupun qalibinin adına noyabrda hər iki komandanın Lixtenşteynlə keçirəcəyi oyunlardan sonra aydınlıq gələcək.

UEFA Millətlər Liqası, IV tur

4 oktyabr

17:00. Azərbaycan – Litva – 1:0

Qollar: Abdullax Xaybullaev (26);

Baş hakim: Qustavo Korreya (Portuqaliya)

Yan hakimlər: Andre Filipe Noqeyra Diaş, Andre Souza (Portuqaliya)

Dördüncü hakim: Migel Andre Monteyro Fonseka (Portuqaliya)

VAR hakimi: Brunu Esteveş (Portuqaliya)

AVAR hakimi: Ana Klaudiya Silva Ribeyru (Portuqaliya)

Bakı, “Palms Sports Arena”

Xatırladaq ki, Azərbaycan millisi qrupda 2 xalla ikinci pillədə qərarlaşıb. Litva seçməsi 4 xalla liderdir. Hesabında 1 xal olan Lixtenşteyn sonuncudur.