Dünya çempionatı: Cüdoçularımız üçün uğursuz gün - YENİLƏNDİ

Bakıda keçirilən dünya çempionatının ikinci yarış günündə Azərbaycanın daha 4 cüdoçusu tatami üzərinə çıxıb.

Sportify.az xəbər verir ki, Milli Gimnastika Arenasında təşkil olunan yarışda təşkilatçı ölkəni qadınların 52 kq çəki dərəcəsində Gültac Məmmədəliyeva təmsil edib.

Mübarizəyə 1/16 final mərhələsindən başlayan Məmmədəliyeva israilli və avstraliyalı rəqiblərini yensə də, 1/4 finalda italiyalı, təsəlliverici görüşdə isə monqolustanlı rəqibinə uduzaraq, mundialı 7-ci pillədə başa vurub.

Kişilərin 66 kq çəki dərəcəsində isə 3 cüdoçu mübarizə aparıb. 1/32 finalda mübarizəyə başlayan Turan Bayramov elə ilk görüşdəcə finlandiyalı rəqibinə uduzub, Nizami İmranov isə gürcüstanlı rəqibini yendikdən sonra 1/16 finalda Rusiya təmsilçisinə uduzub.

Ruslan Paşayevdə isə 1/16 finala təsadüf edən ilk qarşılaşmasında türkmənistanlı rəqibini udmasına baxmayaraq, növbəti görüşündə İtaliya təmsilçisinə uduzaraq, çıxışlarını başa vurub.

Dünya çempionatı
5 oktyabr

66 kq
1/32 final
Turan Bayramov – Luukas Saha (Finlandiya)

Nizami İmranov – Vaja Marqvelaşvili (Gürcüstan)

1/16 final

Nizami İmranov – Ramazan Abdulayev (Rusiya)

Ruslan Paşayev – Serdar Rahimov (Türkmənistan)

1/8 final

Ruslan Paşayev – Valerio Akkoqli (İtaliya)

52 kq
1/16 final
Gültac Məmmədəliyeva – Gefen Primo (İsrail)

1/8 final

Gültac Məmmədəliyeva – Tinko İston (Avstraliya)

1/4 final

Gültac Məmmədəliyeva – Odette Giuffruda (İtaliya)

Təsəlliverici görüş

Gültac Məmmədəliyeva – Uranzaya Bayanmux (Monqolustan)

Qeyd edək ki, ilk yarış günündə Azərbaycan cüdoçusu Əhməd Yusifov (60 kq) karyerasında ilk dəfə dünya çempionu olub.